60 കഴിഞ്ഞ എല്ലാവർക്കും15ന്​ മുമ്പ്​ വാക്​സിനേഷൻ പൂർത്തിയാക്കും -മന്ത്രി എം.വി. ​ഗോവിന്ദൻ

സംസ്ഥാനത്തെ 60 വയസ്സ്​​ കഴിഞ്ഞ മുഴുവൻ ആളുകൾക്കും ആഗസ്​റ്റ്​ 15ന് മുമ്പ്​ കോവിഡ്​ വാക്​സിനേഷൻ പൂർത്തിയാക്കുമെന്ന്​ മന്ത്രി എം.വി. ​ഗോവിന്ദൻ നിയമസഭയെ അറിയിച്ചു. തദ്ദേശ സ്ഥാപന വാർഡ് അടിസ്ഥാനത്തിൽ വാക്സിൻ രജിസ്ട്രേഷനും വിതരണവും സാധ്യമാക്കും. ആവശ്യമായിടത്തെല്ലാം സാമൂഹിക അടുക്കളകൾ ഉറപ്പാക്കുമെന്നും മന്ത്രി വ്യക്തമാക്കി._

_കോവിഡ് സന്നദ്ധപ്രവർത്തർക്ക് സർട്ടിഫിക്കറ്റ് നൽകുന്നത് പരിഗണിക്കും. 50 തദ്ദേശസ്ഥാപനങ്ങളിൽ വാതിൽപടി സേവനം പരീക്ഷണാടിസ്ഥാനത്തിൽ ഉടൻ നടപ്പാക്കും. കിടപ്പുരോഗികൾ, വൃദ്ധർ, മാരക അസുഖബാധിതർ, ഭിന്നശേഷിക്കാർ തുടങ്ങിയവർക്കും അവശ്യമരുന്നും അടിയന്തര സർക്കാർ സേവനങ്ങളും വീട്ടുപടിക്കൽ എത്തിക്കുന്നതാണ് പദ്ധതിയെന്നും അദ്ദേഹം പറഞ്ഞു.