ഗർഭിണികള്ക്കും കോവിഡ് വാക്സിന് നല്കാം - കേന്ദ്ര ആരോഗ്യ മന്ത്രാലയം
കോവിഡ് വാക്സിന് ഗര്ഭിണികള്ക്കും നല്കാമെന്ന് കേന്ദ്ര ആരോഗ്യമന്ത്രാലയം. കോവിഡിനെ ചെറുക്കാന് വാക്സിന് ഗര്ഭിണികള്ക്ക് ഉപയോഗപ്രദമാണെന്നും അവര്ക്ക് വാക്സിന് കുത്തിവെപ്പ് നല്കണമെന്നും ഐസിഎംആര് ഡയറക്ടര് ജനറല് ഡോ ബല്റാം ഭാര്ഗവ പറഞ്ഞു._
_ഗര്ഭിണികള്ക്കും വാക്സിന് സ്വീകരിക്കാമെന്ന മാര്ഗനിര്ദേശം കേന്ദ്ര ആരോഗ്യമന്ത്രാലയം നല്കിയിട്ടുണ്ടെന്നും അദ്ദേഹം പറഞ്ഞു. കേന്ദ്ര ആരോഗ്യമന്ത്രാലയത്തിന്റെ കോവിഡ് അവലോകന വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം._
_ലോകത്ത് ഇതുവരെ ഒരുരാജ്യം മാത്രമാണ് കുട്ടികള്ക്ക് വാക്സിന് നല്കിയത്. ഇന്ത്യയില് രണ്ട് മുതല് 18 വയസ് വരെയുള്ള കുട്ടികളില് വാക്സിന് നല്കുന്നത് സംബന്ധിച്ച പഠനങ്ങള് നടക്കുകയാണെന്നും സെപ്തംബറോടെ ഇതിന്റെ ഫലം പുറത്തുവരുമെന്നാണ് പ്രതീക്ഷിക്കുന്നതെന്നും അദ്ദേഹം വ്യക്തമാക്കി._
_അതേസമയം വളരെ ചെറിയ കുട്ടികള്ക്ക് വാക്സിന് നല്കണോ എന്ന കാര്യത്തില് തീരുമാനമായിട്ടില്ല. ഇക്കാര്യത്തില് കൂടുതല് പഠനങ്ങള് നടത്തേണ്ടതുണ്ട്. നിലവിലെ സാഹചര്യത്തില് കുട്ടികള്ക്ക് വലിയതോതില് വാക്സിന് നല്കാന് സാധിക്കില്ലെന്നും അദ്ദേഹം പറഞ്ഞു._
No comments