സംസ്ഥാന ടെലിവിഷൻ അവാർഡ് : മികച്ച നടി അശ്വതി ശ്രീകാന്ത്, മികച്ച നടൻ ശിവജി ഗുരുവായൂർ
_സംസ്ഥാന ടെലിവിഷൻ അവാർഡ് 2020 പ്രഖ്യാപിച്ചു. മികച്ച നടിക്കുള്ള സംസ്ഥാന ടെലിവിഷൻ അവാർഡ് നടി അശ്വതി ശ്രീകാന്തിന്. ഫ്ളവേഴ്സ് ടിവിയിൽ സംപ്രേഷണം ചെയ്യുന്ന ചക്കപ്പഴം എന്ന സീരിയലിലെ അഭിനയത്തിനാണ് പുരസ്കാരം. മികച്ച രണ്ടാമത്തെ നടിയായി ശാലു കുര്യനെ തിരഞ്ഞെടുത്തു മഴവിൽ മനോരമയിലെ അക്ഷരത്തെറ്റ് എന്ന സീരിയലിലെ അഭിനയത്തിനാണ് പുരസ്കാരം._
_മികച്ച നടൻ ശിവജി ഗുരുവായൂരാണ്. ഫ്ളവേഴ്സ് ടിവിയിൽ സംപ്രേക്ഷണം ചെയ്യുന്ന കഥയറിയാതെ എന്ന പരമ്പരയിലെ അഭിനയത്തിനാണ് ശിവജിയെ തേടി പുരസ്കാരം എത്തിയത്. മികച്ച രണ്ടാമത്തെ നടനുള്ള പുരസ്കാരം ഫ്ളവേഴ്സ് ടിവിയിൽ സംപ്രേക്ഷണം ചെയ്യുന്ന ചക്കപ്പഴത്തിലെ അഭിനയത്തിന് റാഫി സ്വന്തമാക്കി._
_കലാമൂല്യവും സാങ്കേതിക മികവും പ്രകടമാക്കുന്ന സൃഷ്ടികൾ ഒന്നുംതന്നെ കണ്ടെത്താൻ സാധിക്കാത്തതിനാൽ മികച്ച ടെലി സീരിയൽ വിഭാഗത്തിൽ അവാർഡ് നൽകേണ്ടതില്ലായെന്ന് ജൂറി തീരുമാനിച്ചു. മികച്ച സംവിധായകനെയും ഇത്തവണ തിരഞ്ഞെടുത്തില്ല. മികച്ച ടെലി ഫിലിം ആയി റജിൻ കെ സി സംവിധാനം ചെയ്ത 'കള്ളൻ മറുത' തിരഞ്ഞെടുത്തു._
_മികച്ച ഹാസ്യാഭിനേതാവ് സലിം ഹസ്സൻ (മറിമായം / മഴവിൽ മനോരമ ) മികച്ച ബാലതാരം ഗൗരി മീനാക്ഷി (ഒരിതൾ/ ദൂരദർശൻ ) മികച്ച ഛായാഗ്രാഹകൻ ശരൺ ശശിധരൻ (കള്ളൻ മറുത ) മികച്ച ചിത്രസംയോജകൻ വിഷ്ണു വിശ്വനാഥൻ (ആന്റി ഹീറോ ) മികച്ച സംഗീത സംവിധായകൻ വിനീഷ് മണി (അച്ഛൻ / കേരള വിഷൻ )_
_മികച്ച കലാസംവിധായകനും ഇത്തവണ അവാർഡ് ഇല്ല._
No comments