പ്രതീക്ഷ കോട്ടൂരിന്റെ ഓണപ്പുടവ -' ഓണക്കോടി വിതരണം സമാപിച്ചു.

ശ്രീകണ്ഠപുരം: കഴിഞ്ഞ കാലങ്ങളിൽ മികച്ച  കർഷകരായിരുന്ന നാടിന്റെ നട്ടെല്ലായിരുന്ന ഇപ്പോൾ പ്രയാധിക്യം കാരണം  വിശ്രമജീവിതം നയിക്കുന്നവർക്കായി കോട്ടൂർ പ്രതീക്ഷ 'ഏർപ്പെടുത്തിയ ഓണക്കോടി വിതരണം സമാപിച്ചു. കോട്ടൂർ ചാക്യാറയിൽ നടന്ന സമാപന ചടങ്ങിൽ ശ്രീകണ്ഠപുരം നഗരസഭ ചെയർപേഴ്സൺ ഡോ:ഫിലോമിന ടീച്ചർ അർഹരായവർക്ക് ഓണപ്പുടവ നൽകി ആദരിച്ചു. അനൂപ് കുമാർ, സി.മധു, കെ.ബിജു, സോണി, അശ്രഫ്, സുരേഷ് കെ.വി, എന്നിവർ സംസാരിച്ചു. 

ഇരുപത്തി അഞ്ച് ഓളം കുടുംബങ്ങളിലേക്ക് ഓണക്കോടി എത്തിച്ച് വ്യത്യസ്തമായ ഒരു ഓണാഘോഷം സംഘടിപ്പിച്ചാണ് കോട്ടൂർ പ്രതീക്ഷ ശ്രദ്ധേയമായത്.