ഉത്തര് പ്രദേശ് മുന് മുഖ്യമന്ത്രി കല്യാണ് സിംഗ് അന്തരിച്ചു
ഉത്തര് പ്രദേശ് മുന് മുഖ്യമന്ത്രി കല്യാണ് സിംഗ് അന്തരിച്ചു. 89 വയസ്സായിരുന്നു. സഞ്ജയ് ഗാന്ധി പോസ്റ്റ് ഗ്രാജ്വേറ്റ് ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് (എസ് ജി പി ജി ഐ എം എസ്) കഴിഞ്ഞ ദിവസം ഡയാലിസിസിന് വിധേയനായിരുന്നു. കഴിഞ്ഞ മാസമാണ് രോഗം മൂര്ച്ഛിച്ചതിനെ തുടര്ന്ന് ആശുപത്രിയില് പ്രവേശിപ്പിച്ചത്.രാജസ്ഥാന് മുന് ഗവര്ണര് കൂടിയായിരുന്നു. കല്യാണ് സിംഗ് യു പി ഭരിക്കുമ്പോഴാണ് ബാബരി മസ്ജിദ് സംഘ്പരിവാര് തകര്ത്തത്. അന്ന് കര്സേവകരെ തടയാതെ യു പി പൊലീസ് കാവല് നിന്നത് വിവാദമായിരുന്നു. ബാബരി മസ്ജിദ് ധ്വംസന കേസില് പ്രതിയാക്കപ്പെട്ടിരുന്നു.
No comments