എക്സൈസ് വകുപ്പും ശ്രീകണ്ഠപുരം മുൻസിപാലിറ്റിയും ചേർന്ന് നടപ്പാക്കുന്ന വിമുക്തി ലഹരി വിരുദ്ധ ക്യാമ്പയിൻ പദ്ധതിക്കു തുടക്കം കുറിച്ച് കൊണ്ടുള്ള ഗൂഗിൾമീറ്റിംഗ് സംഘടിപ്പിച്ചു.
ശ്രീകണ്ഠപുരം മുൻസിപ്പാലിറ്റിയിലെ മുപ്പതു വാർഡുകളിലും വിമുക്തി വാർഡ്തല സമിതികൾ രൂപീകരിച്ചു പ്രവർത്തനം തുടങ്ങാൻ ഇന്നലെ ചേർന്ന വാർഡ് കൗൺസിലർമാരുടെയും മദ്യവിരുദ്ധ സമിതിപ്രവർത്തകർ, സാമൂഹ്യ സന്നദ്ധപൊതു പ്രവർത്തകർ,ആശ പ്രവർത്തകർ, വ്യാപാരി സംഘടനകൾ, എക്സൈസ് ഓഫീസർ എന്നിവർ അടങ്ങിയ കമ്മിറ്റിയിൽ ധാരണയായി. ലഹരി സാധനങ്ങൾ കൈവശം വയ്ക്കുന്നവരെയും വിതരണം ചെയ്യുന്നവരെയും നിയമത്തിന്റെ മുന്നിൽ കൊണ്ടുവരാനും ലഹരിഉപയോഗത്തിനെതിരെ ബോധവൽക്കരണം നടത്താനും വിമുക്തിസമിതികൾ പ്രയോജനപ്പെടുത്തും. യോഗത്തിൽ മുൻസിപ്പൽ ചെയർപേഴ്സൺ ഡോ. കെ. വി.ഫിലോമിന ടീച്ചർ അദ്ധ്യക്ഷത വഹിച്ചു. തളിപ്പറമ്പ്എക് സൈസ് സർക്കിൾ ഓഫീസിലെ പ്രിവന്റീവ് ഓഫീസർ വി.വി ഷാജി, സ്ഥിരം സമിതി അധ്യക്ഷൻമാരായ ചന്ദ്രാങ്ഥൻ മാഷ്, ജോസഫീന ടീച്ചർ, വി പി നസീമ, ജോസ് കൊല്ലിയിൽ, ഷിനോ പാറക്കൽ എന്നിവർ ചർച്ചയിൽ പങ്കെടുത്തു സംസാരിച്ചു
No comments