ഗ്രാമദീപം കൈകോർത്തു ബാലേട്ടൻ്റെ വീടിന് പുതുമോടി
ഗ്രാമദീപം കൈകോർത്തു ബാലേട്ടൻ്റെ വീടിന് പുതുമോടി.
കീയച്ചാൽ ഗ്രാമദീപം കലാകായിക സമിതി ഇരുപതാം വാർഷികാഘോഷത്തിൻ്റെ ഭാഗമായി പുതുശ്ശേരി വീട്ടിൽ ബാലൻ - രാധ ദമ്പതികളുടെ വീടിൻ്റെ വയറിങ്, പെയ്ൻ്റിങ്, വൈദ്യുതീകരണ പ്രവൃത്തികൾ സന്നദ്ധ പ്രവർത്തനത്തിലൂടെ പൂർത്തീകരിച്ച് പുതുമോടി നല്കി.
ഇ വി പ്രസന്നൻ്റെ നേതൃത്വത്തിൽ വൈദ്യുതീകരണ പ്രവൃത്തികളും പി പി ബിജേഷിൻ്റെ നേതൃത്വത്തിൽ പെയ്ൻറിങ് പ്രവൃത്തികളുമാണ് ഗ്രാമദീപം വിനോദ് സ്മൃതി വായനശാലയുടെ സഹകരണത്തോടെ പൂർത്തീകരിച്ചത്. വൈദ്യുതീകരണത്തിൻ്റെ സ്വിച്ച് ഓൺ കർമ്മം കെ എസ് ഇ ബി ശ്രീകണ്ഠാപുരം സബ് ഡിവിഷൻ അസി. എക്സിക്യൂട്ടീവ് എഞ്ചിനീയർ ടി ശശി നിർവ്വഹിച്ചു. പരിയാരം മെഡിക്കൽ കോളേജ് പോലീസ് സർക്കിൾ ഇൻസ്പെക്ടർ കെ വി ബാബു പുതുവത്സര സന്ദേശം നൽകി. എ സജിത്ത്, ഇ വി പ്രസന്നൻ, വി വി രഞ്ചിത്ത് എന്നിവർ സംസാരിച്ചു. പി വി വിനോദ് കുമാർ, കെ വി നവീൺകൃഷ്ണ, രാഹുൽ പ്രസാദ്, പി കിഷോർ, എം ശ്രീരാജ്, കെ ശ്രീരാഗ് എന്നിവർ പ്രവർത്തനങ്ങൾക്ക് നേതൃത്വം നൽകി.
No comments