കനത്ത മഴയിൽ മയ്യിൽ പൊലിസ് സ്‌റ്റേഷൻ്റെ പഴയ കെട്ടിടം തകർന്ന് വീണു

മയ്യിൽ: കണ്ണൂരിൽ കനത്ത മഴയെ തുടർന്ന് പോലീസ് സ്റ്റേഷന്റെ മേൽക്കൂര തകർന്നു. മയ്യിൽ പോലീസ് സ്റ്റേഷന്റെ പഴയ കെട്ടിടത്തിന്റെ  മേൽക്കൂരയാണ് തകർന്നു വീണത്.ഇന്നലെ വൈകിട്ടോടെ ഉണ്ടായ ശക്തമായ കാറ്റിലും മഴയിലുമാണ് അപകടം. സ്റ്റേഷന്റെ പിറകുവശത്തെ മേൽക്കൂരയുടെ ഒരു ഭാഗമാണ് തകർന്നത്.സംഭവ സമയം പോലീസ്  ഉദ്യോഗസ്ഥർ അപകടം നടന്ന ഭാഗത്ത്  ഇല്ലാത്തതിനാൽ ആളപായമില്ലാതെ രക്ഷപ്പെടുകയായിരുന്നു.