ട്രെയിൽ യാത്രക്കാർ ഇത് അറിയാതെ പോകല്ലേ ! ട്രെയിൻ സർവീസുകളിൽ മാറ്റം

കൂടുതൽ ആളുകളും ദീർഘ ദൂരയാത്രകൾക്കും മറ്റും ഉപയോ​ഗിക്കുന്നത് ട്രെയിനുകളാണ്. എന്നാൽ അപ്രതീക്ഷിതമായി ട്രെയിൻ സർവീസുകളിൽ മാറ്റം ഉണ്ടാകുന്നത് ആളുകളുടെ യാത്രകളെ ബാധിക്കാറുണ്ട്. ട്രെയിൻ സർവീസുകളിലെ മാറ്റം റെയിൽവേ സമൂഹമാധ്യമങ്ങൾ വഴി പങ്കുവെയ്ക്കാറുണ്ട്. പാലക്കാട്, മധുരൈ റെയിൽവേ ഡിവിഷനുകളിൽ ട്രാക്ക്‌ അറ്റകുറ്റപ്പണി നടക്കുന്നതിനാൽ ട്രെയിൻ സർവീസുകളിൽ മാറ്റമുണ്ട്. ഷൊർണൂർ ജങ്ഷൻ – നിലമ്പൂർ റോഡ് മെമു (66325) 10, 17, 24, 31 ദിവസങ്ങളിലെ സർവീസുകൾ പൂർണമായി റദ്ദാക്കിയതായിട്ടാണ് അറിയിച്ചിരിക്കുന്നത്.

ഷൊർണൂർ ജങ്ഷൻ – നിലമ്പൂർ റോഡ് മെമു (66325) 10, 17, 24, 31 ദിവസങ്ങളിലെ സർവീസുകൾ പൂർണമായി റദ്ദാക്കി. 09, 16, 23, 30 ദിവസങ്ങളിൽ സർവീസ്‌ നടത്തുന്ന തിരുവനന്തപുരം നോർത്ത് – നിലമ്പൂർ റോഡ് രാജ്യറാണി എക്സ്പ്രസ് (16349) ഷൊർണൂർ ജങ്ഷനിൽ യാത്ര അവസാനിപ്പിക്കും.

7, 11, 14 ദിവസങ്ങളിൽ പാലക്കാട് ജങ്‌ഷൻ –- തിരുച്ചെന്തൂർ എക്സ്പ്രസ് (16731), 8, 13 ദിവസങ്ങളിൽ തിരുച്ചെന്തൂർ –- പാലക്കാട് ജങ്‌ഷൻ എക്സ്പ്രസ് (16732) ട്രെയിനുകൾ മധുര, മാനാമധുര, വിരുദുനഗർ വഴിതിരിച്ചുവിടും.