ഡ്രോണ് ആക്രമണ ദൃശ്യങ്ങള് ചിത്രീകരിക്കാനും പ്രചരിപ്പിക്കാനും പാടില്ല; കര്ശന മുന്നറിയിപ്പുമായി യുഎഇ
ദുബയ്: യുഎഇയില് ഡ്രോണ് ആക്രമണങ്ങളോ മിസൈല് അവശിഷ്ടങ്ങള് വീണ സ്ഥലങ്ങളോ ചിത്രീകരിച്ച് സാമൂഹ്യ മാധ്യമങ്ങളിലൂടെ പ്രചരിപ്പിക്കുന്നതിനെതിരേ കര്ശന മുന്റിയിപ്പുമായി യുഎഇ അറ്റോര്ണി ജനറല് ഡോ. ഹമദ് സെയ്ഫ് അല് ഷംസി. ഇത്തരം പ്രവര്ത്തനങ്ങള് രാജ്യത്തെ നിയമങ്ങളുടെ ഗുരുതര ലംഘനമാണെന്നും കുറ്റക്കാര്ക്കെതിരേ വിട്ടുവീഴ്ച്ചയില്ലാത്ത നടപടി സ്വീകരിക്കുമെന്നും അദ്ദേഹം വ്യക്തമാക്കി.
ഡ്രോണ് ആക്രമണങ്ങളുമായി ബന്ധപ്പെട്ട ദൃശ്യങ്ങള് പകര്ത്തുകയോ പ്രചരിപ്പിക്കുകയോ ചെയ്യുന്നത് രാജ്യത്തിന്റെ സുരക്ഷയെയും അന്വേഷണ നടപടികളെയും ബാധിക്കാനിടയുണ്ടെന്ന് അധികൃതര് മുന്നറിയിപ്പ് നല്കി. അതോടൊപ്പം തെറ്റായ വിവരങ്ങള് പ്രചരിപ്പിക്കുന്നതിനും കര്ശന വിലക്കുണ്ടെന്നും അറ്റോര്ണി ജനറല് പറഞ്ഞു. കൃത്യമല്ലാത്ത വിവരങ്ങള് പ്രചരിക്കുന്നത് ജനങ്ങളില് പരിഭ്രാന്തി സൃഷ്ടിക്കാനും രാജ്യത്തിന്റെ യഥാര്ഥ സാഹചര്യം സംബന്ധിച്ച് തെറ്റായ ധാരണകള് ഉണ്ടാക്കാനും ഇടയാക്കുമെന്ന് അദ്ദേഹം ചൂണ്ടിക്കാട്ടി.
സുരക്ഷാ ഏജന്സികളും ബന്ധപ്പെട്ട സര്ക്കാര് സ്ഥാപനങ്ങളും പുറപ്പെടുവിക്കുന്ന ഔദ്യോഗിക വിവരങ്ങള് മാത്രമേ വിശ്വസിക്കാനും പിന്തുടരാനും പൊതുജനങ്ങള് ശ്രദ്ധിക്കേണ്ടതുണ്ടെന്നും അദ്ദേഹം കൂട്ടിച്ചേര്ത്തു
About Reporter
No comments