AI സാധാരണക്കാർക്ക് കൂടി ലഭ്യമാകണം’; ബിൽഗേറ്റ്സുമായി കൂടിക്കാഴ്ച നടത്തി പ്രധാനമന്ത്രി നരേന്ദ്ര മോദി.
ലോകത്ത് എഐ വളരെ പ്രധാനപ്പെട്ടതായി മാറിയെന്ന് പ്രധാനമന്ത്രി മോദി പറഞ്ഞു. 2023ലെ ജി20 ഉച്ചകോടിയിൽ സർക്കാർ എങ്ങനെയാണ് AI ഉപയോഗിച്ചതെന്ന് പ്രധാനമന്ത്രി ബിൽ ഗേറ്റ്സിനെ അറിയിച്ചു. കാശി തമിഴ് സംഗമം പരിപാടിയിൽ എഐ തൻ്റെ ഹിന്ദി പ്രസംഗം തമിഴിലേക്ക് വിവർത്തനം ചെയ്തതിനെക്കുറിച്ച് അദ്ദേഹം ബിൽഗേറ്റ്സിനോട് പങ്കുവെച്ചു.
ഇന്ത്യയിൽ പുതിയ സാങ്കേതികവിദ്യ സ്വീകരിക്കാൻ സ്ത്രീകൾ കൂടുതൽ തയാറായി വരികയാണെന്ന് പ്രധാനമന്ത്രി പറഞ്ഞു. ‘നമോ ഡ്രോൺ ദീദി’ പദ്ധതി ആരംഭിച്ചു. ഇത് വളരെ വിജയകരമായി നടക്കുന്നുവെന്ന് പ്രധാനമന്ത്രി പറഞ്ഞു. സംഭാഷണങ്ങൾക്കൊടുവിൽ തമിഴ്നാട്ടിൽ നിന്നുള്ള ശില്പങ്ങളും ജമ്മു കശ്മീരിലെ ഷാൾ, ഡർജിലിങ്ങിൽ നിന്നുള്ള ചായപ്പൊടി എന്നിവ പ്രധാനമന്ത്രി ബിൽഗേറ്റ്സിനെ പരിചയപ്പെടുത്തി.
No comments