റേഷന് കടകളില് ഗോതമ്പിന് പകരം റാഗി; ഒരു കിലോ പാക്കറ്റുകളാക്കി വിതരണം
──────────────────
2023 ജനുവരി 11 ബുധൻ
──────────────────
സംസ്ഥാനത്തെ റേഷന് കടകള് വഴി ഗോതമ്പിന് പകരം റാഗി വിതരണം ചെയ്യുമെന്ന് ഭക്ഷ്യമന്ത്രി ജി.ആര് അനില്. ഗുണനിലവാരം ഉറപ്പാക്കിയ റാഗി കര്ണാടകയിലെ എഫ്സിഐ ഗോഡൗണില് നിന്ന് എത്തിച്ച് ഒരു കിലോ പാക്കറ്റുകളാക്കി വിതരണം ചെയ്യുമെന്ന് ഭക്ഷ്യമന്ത്രി അറിയിച്ചു.
ശുചീകരിച്ച 687 മെട്രിക് ടണ് റാഗിയാണ് സംസ്ഥാനത്തേക്ക് കൊണ്ടുവരിക. ആദ്യ ഘട്ടത്തില് ഒരു പഞ്ചായത്തില് ഒരു റേഷന് കട വഴി റാഗി വിതരണം ചെയ്യും. അരിയും ഗോതമ്പും മുഖ്യഭക്ഷണമായ സംസ്ഥാനത്ത് റാഗിയുടെ സ്വീകാര്യത അറിഞ്ഞ ശേഷം വിതരണം വിപുലപ്പെടുത്തണോ എന്ന് തീരുമാനിക്കുമെന്നും മന്ത്രി പറഞ്ഞു. ഗോതമ്പ് സംസ്ഥാനത്തിന് അനുവദിച്ച അതേ നിരക്കില് തന്നെയായിരിക്കും റാഗിയും സംസ്ഥാനത്തിന് കേന്ദ്രം നല്കുക എന്നും മന്ത്രി പറഞ്ഞു.
No comments