കാത്തലിക് എഡ്യൂക്കേഷണൽ എംപ്ലോയീസ് ട്രസ്റ്റിന്റെ വാർഷിക പൊതുയോഗവും അവാർഡ് ദാനവും
പയ്യാവൂർ: കാത്തലിക് എഡ്യൂക്കേഷണൽ എംപ്ലോയീസ് ട്രസ്റ്റിന്റെ (സീറ്റ് ) വാർഷിക പൊതുയോഗവും അവാർഡ് ദാനാചടങ്ങും ചെമ്പേരി മദർ തെരേസ ഓഡിറ്റോറിയത്തിൽ നടന്നു. റിലീജിയസ് ഫോർ അസംപ്ഷൻസ് സുപ്പീരിയർ ജനറൽ സിസ്റ്റർ ഡോക്ടർ രേഖ ചേന്നാട്ട് ഉദ്ഘാടനം ചെയ്തു. സീറ്റ് പ്രസിഡന്റ് ജോസ് മേമടത്തിൽ അധ്യക്ഷത വഹിച്ചു. സീറ്റ് നൽകുന്ന കെ. എ യോഹന്നാൻ എക്സലൻസ് അവാർഡിന് റോസമ്മ കുഴിവേലിൽ അർഹയായി. ചെമ്പേരി ഫോറോന അസിസ്റ്റന്റ് വികാരി ഫാ. ജിബിൻ വട്ടംകാട്ടേൽ അനുഗ്രഹ പ്രഭാഷണം നടത്തി.
എരുവേശ്ശി ഗ്രാമപഞ്ചായത്തു പ്രസിഡന്റ് ടെസ്സി ഇമ്മാനുവേൽ, സീറ്റ് സെക്രട്ടറി സജീവ് , ട്രഷറർ ജോസ് കണ്ടത്തിൽ, ജോയിന്റ് സെക്രട്ടറി ഷൈബി കുഴിവേലിപ്പുറത്ത്, ഷാജി വർഗീസ്, ലിസമ്മ ജോസഫ്, ഇമ്മാനുവേൽ ജോർജ് എന്നിവർ സംസാരിച്ചു. പുതിയ ഭരണ സമിതി സത്യപ്രതിജ്ഞ ചെയ്ത് അധികാരമേറ്റു.
No comments