പൂനെ അന്താരാഷ്ട്ര വിമാനത്താവളം 14 ദിവസത്തേക്ക് അടച്ചിടുന്നു
പൂനെ അന്താരാഷ്ട്ര വിമാനത്താവളം 14 ദിവസത്തേക്ക് അടച്ചിടുന്നു. നിര്മാണ പ്രവര്ത്തികള്ക്കായി ഞായറാഴ്ച മുതലാണ് അടച്ചിടുന്നത്. ഒക്ടോബർ 16 മുതൽ 29 വരെ അടച്ചിടുമെന്ന് എയർപോർട്ട് ഒഫിഷ്യൽ ട്വിറ്റർ ഹാൻഡിലൂടെ അറിയിച്ചു.
ഇന്ത്യൻ എയർഫോഴ്സ് (ഐ.എ.എഫ്) റൺവേ പുനർനിർമാണ പ്രവർത്തനങ്ങൾ നടത്തുന്നതിനെ തുടര്ന്നാണ് വിമാനത്താവളം അടച്ചിടുന്നത്.
ഏപ്രിലിൽ നടത്താൻ തീരുമാനിച്ച നിർമാണ പ്രവൃത്തികൾ നീണ്ടുപോകുകയായിരുന്നുവെന്നും ഈ മാസം പ്രവൃത്തികൾ നടത്താൻ തീരുമാനിക്കുകയായിരുന്നുവെന്നും വിമാനത്താവള അധികൃതർ അറിയിച്ചു.
No comments