കളിക്കുന്നതിനിടെ കിണറ്റിൽ വീണ പന്ത് എടുക്കാൻ ശ്രമിക്കവെ അപകടം; കണ്ണൂരിൽ 14 വയസ്സുകാരന് ദാരുണാന്ത്യം

​ *കണ്ണൂർ* : കളിക്കുന്നതിനിടെ കിണറ്റിൽ വീണ പന്ത് എടുക്കാൻ ശ്രമിക്കുന്നതിനിടെ വിദ്യാർത്ഥി കിണറ്റിൽ വീണ് മരിച്ചു. കാട്ടാമ്പള്ളി സ്വദേശി മുഹമ്മദ് (14) ആണ് മരണപ്പെട്ടത്. വെള്ളിയാഴ്ച രാവിലെ എട്ട് മണിയോടെയായിരുന്നു അപകടം.

​കൊയ്യം മർക്കസിൽ താമസിച്ച് പഠിക്കുകയായിരുന്നു മുഹമ്മദ്. അപകടത്തെക്കുറിച്ച് വിവരം ലഭിച്ച ഉടൻ രക്ഷാപ്രവർത്തനം നടത്തിയെങ്കിലും ജീവൻ രക്ഷിക്കാനായില്ല. സംഭവത്തിൽ പോലീസ് പ്രാഥമിക വിവരങ്ങൾ ശേഖരിച്ചു വരികയാണ്. മുഹമ്മദിന്റെ ആകസ്മിക നിര്യാണത്തിൽ കാട്ടാമ്പള്ളി പ്രദേശം ഒന്നടങ്കം ദുഃഖത്തിലാണ്.