ശ്വാസതടസ്സത്തെ തുടര്‍ന്ന് ആശുപത്രിയിലെത്തി; പരിശോധനയ്ക്കിടെ കുഴഞ്ഞുവീണ വിദ്യാര്‍ഥിനി മരിച്ചു
ഇരിട്ടി :ശ്വാസതടസ്സത്തെ തുടർന്ന് ആശുപത്രിയില്‍ പരിശോധനയ്ക്കെത്തിയ കോളേജ് വിദ്യാർഥിനി കുഴഞ്ഞുവീണതിനെ തുടർന്ന് ചികിത്സയിലിരിക്കെ മരിച്ചു .ഡോണ്‍ ബോസ്കോ കോളേജിലെ മൂന്നാം സെമസ്റ്റർ ബി.കോം കമ്പ്യൂട്ടർ ആപ്ലിക്കേഷൻ വിദ്യാർഥിനിയും കാസർഗോഡ് ഹൊസങ്കടി പുളിക്കാംപുറത്ത് സ്വദേശിനിയുമായ അലീന റോയ് (20) ആണ് മരിച്ചത്.ശ്വാസതടസ്സം അനുഭവപ്പെട്ടതിനെ തുടർന്നാണ് അലീനയെ ആശുപത്രിയില്‍ പരിശോധനയ്ക്കായി എത്തിച്ചത്. പരിശോധന നടക്കുന്നതിനിടെ അപ്രതീക്ഷിതമായി കുഴഞ്ഞുവീഴുകയായിരുന്നു. തുടർന്ന് വിദഗ്ധ ചികിത്സയ്ക്കായി കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇവിടെ ചികിത്സയില്‍ കഴിയുന്നതിനിടെയാണ് മരണം സംഭവിച്ചത്.അലീനയുടെ അപ്രതീക്ഷിത വിയോഗം കുടുംബാംഗങ്ങളെയും സഹപാഠികളെയും പരിചയക്കാരെയും ദുഃഖത്തിലാഴ്ത്തി.
About Sreekandapuram vision
No comments