റേഷൻ കാർഡിന്റെ തരംമാറ്റാം; അവസരം 17 മുതൽ; തെറ്റായ വിവരങ്ങൾ നൽകിയാൽ അപേക്ഷ റദ്ദാക്കും..!

സംസ്ഥാനത്ത് റേഷൻ കാർഡിന്റെ തരംമാറ്റത്തിനായി വീണ്ടും അവസരം. നവംബർ 17 മുതൽ ഡിസംബർ 16 വരെ ഓൺലൈനായി അപേക്ഷിക്കാം.

വ്യത്യസ്ത വിഭാഗങ്ങളിലേക്കുള്ള (പൊതുവിതരണ കാർഡ്, അൻത്യോദയ, മുൻഗണനാ വിഭാഗങ്ങൾ തുടങ്ങിയവ) തരംമാറ്റത്തിന് ആവശ്യമായ രേഖകളുമായി അപേക്ഷ സമർപ്പിക്കണം. അപേക്ഷകന്റെ വരുമാനവും കുടുംബവിവരങ്ങളും ശരിയായി അപ്‌ഡേറ്റ് ചെയ്തിരിക്കണം.

അപേക്ഷകൾ സിവിൽ സപ്ലൈസ് വകുപ്പിന്റെ ഔദ്യോഗിക വെബ്‌സൈറ്റിലൂടെയോ അക്ഷയ കേന്ദ്രങ്ങളിലൂടെയോ സമർപ്പിക്കാവുന്നതാണ്. തെറ്റായ വിവരങ്ങൾ നൽകിയാൽ അപേക്ഷ റദ്ദാക്കും.

തദ്ദേശ സ്ഥാപനങ്ങളിലെ സെക്രട്ടറി നൽകുന്ന ബിപിഎൽ സർട്ടിഫിക്കറ്റ് ഉള്ളവർ, മാരക രോഗങ്ങളുള്ളവർ, പട്ടികജാതി, പട്ടികവർഗ വിഭാഗത്തിൽപ്പെട്ടവർ എന്നിവർക്ക് മുൻഗണന ലഭിക്കും.

 

1000 ചതുരശ്ര അടിയിൽ അധികം വിസ്തീർണമുള്ള വീടുള്ളവർ, 1 ഏക്കറിൽ കൂടുതൽ ഭൂമിയുള്ളവർ, ആദായ നികുതി അടയ്ക്കുന്നവർ എന്നിവർക്ക് അപേക്ഷിക്കാൻ അർഹതയില്ല.