മഴക്കെടുതി: സംസ്ഥാനത്ത് 12 മരണം, 6 പേരെ കാണാനില്ല; 5792 പേര് ദുരിതാശ്വാസ ക്യാംപുകളില്
കേരളത്തില് മഴക്കെടുതിയും പ്രളയ ദുരിതവും രൂക്ഷമായി തുടരുന്നു. വിവിധ അപകടങ്ങളില് ഇന്ന് നാല് പേര് കൂടി മരിച്ചതോടെ സംസ്ഥാനത്ത് രണ്ട് ദിവസത്തെ മഴക്കെടുതിയില് മരിച്ചവരുടെ എണ്ണം 12 ആയി ഉയര്ന്നു. കണ്ണൂര് കൂത്തുപറമ്പില് തോട്ടിന്കരയില് മരിച്ച നിലയില് കണ്ടെത്തിയ കൈതേരി ഇടത്തില് രാരിഷ്, കാപ്പാട് വെള്ളക്കെട്ടില് വീണ് ചികിത്സയിലിരിക്കെ മരിച്ച രണ്ടു വയസ്സുകാരന് മാസിന്, തിരുവനന്തപുരത്തു നിന്നും കാണാതായി മൃതദേഹം കണ്ടെത്തിയ മത്സ്യത്തൊഴിലാളികളായ ഫ്രീമോന്, ആന്റണി എന്നിവരാണ് ഇന്ന് മരണപ്പെട്ടത്. കൊല്ലം, കണ്ണൂര്, തിരുവനന്തപുരം എന്നിവിടങ്ങളില് കടലില് കാണാതായ ആറു പേര്ക്കായി തെരച്ചില് തുടരുകയാണ്. കനത്ത മഴയില് പത്തനംതിട്ട റാന്നിയില് വെള്ളം ഇറങ്ങിയെങ്കിലും ആറന്മുളയും അപ്പര് കുട്ടനാടും ഇപ്പോഴും വെള്ളക്കെട്ടില് തന്നെയാണ്. മഴയുമായി ബന്ധപ്പെട്ട വിവിധ അപകടങ്ങളില് പരിക്കേറ്റ 13 പേര് നിലവില് സംസ്ഥാനത്തെ വിവിധ ആശുപത്രികളില് ചികിത്സയിലുണ്ട്.
മഴക്കെടുതിയില് സംസ്ഥാനത്തുടനീളം 27 വീടുകള് പൂര്ണമായും 196 വീടുകള് ഭാഗികമായും തകര്ന്നതായി സര്ക്കാര് കണക്കുകള് വ്യക്തമാക്കുന്നു. നിലവില് പ്രവര്ത്തിക്കുന്ന 209 ദുരിതാശ്വാസ ക്യാംപുകളിലായി 5792 പേരെയാണ് മാറ്റി പാര്പ്പിച്ചിരിക്കുന്നത്. അതേസമയം, പല ക്യാംപുകളിലും ആവശ്യത്തിന് അടിസ്ഥാന സൗകര്യങ്ങള് ലഭ്യമല്ലെന്ന പരാതിയും ദുരിതബാധിതരുടെ ഭാഗത്തുനിന്ന് ഉയരുന്നുണ്ട്. അതേസമയം സംസ്ഥാനത്ത് അതിശക്ത മഴ തുടരുമെന്നാണ് കാലാവസ്ഥ പ്രവചനം.
About Sreekandapuram vision
No comments