ഉപഭോക്താക്കൾക്ക് ആശ്വാസ വാർത്തയുമായി കെഎസ്ഇബി; ഡിസംബറിലെ കറന്റ് ബില്ലിൽ ഇന്ധന സർചാർജ് കുറയും

തിരുവനന്തപുരം: കേരളത്തിലെ വൈദ്യുതി ഉപഭോക്താക്കൾക്ക് ആശ്വാസ വാർത്തയുമായി കെഎസ്ഇബി. ഡിസംബർ മാസത്തെ കറന്റ് ബില്ലിൽ ഇന്ധന സർചാർജ് ഗണ്യമായി കുറയുമെന്ന് കെഎസ്ഇബി അറിയിച്ചു. സെപ്റ്റംബർ മുതൽ നവംബർ വരെയുള്ള കാലയളവിൽ യൂണിറ്റിന് 10 പൈസ നിരക്കിൽ ഈടാക്കിയിരുന്ന സർചാർജ് ഇപ്പോൾ കുറച്ചിരിക്കുകയാണ്.

പിസി ന്യൂസ്‌ വാർത്ത,

എത്രയാണ് പുതിയ സർചാർജ്?

പ്രതിമാസ ബിൽ ലഭിക്കുന്നവർക്ക്: യൂണിറ്റിന് 5 പൈസ

രണ്ട് മാസം കൂടിയുള്ള ബിൽ ലഭിക്കുന്നവർക്ക്: യൂണിറ്റിന് 8 പൈസ

മുമ്പ് എല്ലാ ഉപഭോക്താക്കളിൽ നിന്നും യൂണിറ്റിന് 10 പൈസ വീതം ഈടാക്കുകയായിരുന്നു. ഈ നിരക്കിലാണ് ഇപ്പോൾ കുറവ് വരുത്തിയിരിക്കുന്നത്. സർചാർജിന്റെ പരിധി എടുത്ത് കളഞ്ഞതോടെ ഇത് ഉയരുമെന്നായിരുന്നു ചില മാധ്യമ റിപ്പോർട്ടുകൾ. ഈ പശ്ചാത്തലത്തിലാണ് വൈദ്യുതി മന്ത്രിയുടെ ഓഫീസ് പുതുക്കിയ വിശദീകരണം പുറത്തിറക്കിയത്. ഉപഭോക്താക്കൾക്ക് ആശങ്കപ്പെടുത്തേണ്ട സാഹചര്യമില്ലെന്നും അറിയിപ്പിൽ വ്യക്തമാക്കുന്നു.

വൈദ്യുതി കണക്ഷന്റെ ഉടമസ്ഥാവകാശം മാറ്റുന്നതിന് ആവശ്യമായ രേഖകൾ

ഉടമസ്ഥാവകാശ മാറ്റത്തിന് അപേക്ഷിക്കുമ്പോൾ താഴെ പറയുന്ന രേഖകൾ നിർബന്ധമാണ്:

1. അപേക്ഷകന്റെ തിരിച്ചറിയൽ രേഖ

ഫോട്ടോ പതിപ്പിച്ച ID കാർഡ് (ആധാർ, വോട്ടർ ഐഡി, ഡ്രൈവിംഗ് ലൈസൻസ് തുടങ്ങിയവ)

2. ഉടമസ്ഥാവകാശം തെളിയിക്കുന്ന രേഖ

കെട്ടിടം/സ്ഥലം കൈവശമുള്ളതായി തെളിയിക്കുന്ന രേഖകൾ (വിൽപ്പനക്കരാർ, പോസഷൻ സർട്ടിഫിക്കറ്റ്, പാട്ടം രേഖ മുതലായവ)

3. പഴയ ഉടമയുടെ അനുമതി പത്രം

ഉടമസ്ഥാവകാശം മാറുന്നതിന്:

പഴയ ഉടമ വെള്ളപേപ്പറിൽ എഴുതിയ അനുമതി പത്രം,

കൂടാതെ സെക്യൂരിറ്റി ഡെപ്പോസിറ്റ് ഉൾപ്പെട്ട രേഖകൾ.

അനുമതി പത്രം ലഭ്യമല്ലെങ്കിൽ?

പഴയ ഉടമയുടെ അനുമതി ലഭ്യമല്ലെങ്കിൽ,

പുതിയ ഉടമ സെക്യൂരിറ്റി ഡെപ്പോസിറ്റ് പുതിയതായി അടയ്ക്കാം.

ഈ സാഹചര്യത്തിൽ,

പഴയ ഉടമയ്ക്ക് ഉണ്ടായിരുന്ന സെക്യൂരിറ്റി ഡെപ്പോസിറ്റ്,

ഉടമസ്ഥാവകാശം മാറ്റപ്പെട്ടതായി ബോർഡിനെ അറിയിച്ചതിന് ശേഷം,

കെഎസ്ഇബി പഴയ ഉടമയ്ക്ക് മടക്കി നൽകും.