മരുന്നുനിർമാണത്തിന് ഇന്ത്യൻ കമ്പനിയുമായി ധാരണാ പത്രത്തിൽ ഒപ്പുവെച്ച് അഫ്ഗാൻ

ന്യൂഡൽഹി :- വ്യാപാര-നിക്ഷേപ ബന്ധങ്ങൾ ശക്തമാക്കാൻ ലക്ഷ്യമിട്ട് ഇന്ത്യയിലെയും അഫ്ഗാനിസ്താനിലെയും പ്രമുഖ ഫാർമസ്യൂട്ടിക്കൽ കമ്പനികൾ ധാരണാ പത്രത്തിൽ ഒപ്പു വെച്ചു.

10 കോടി ഡോളറിൻ്റേതാണ് കരാർ. അഫ്ഗാനിലെ റോഫിസ് ഇൻ്റർനാഷണൽ ഗ്രൂപ്പ് ഓഫ് കമ്പനീസും ഇന്ത്യയിലെ സൈഡസ് ലൈഫ് സയൻസസും തമ്മിലാണ് ദുബായിൽ ധാരണാപത്രം ഒപ്പുവെച്ചത്. സൈഡസ് ലൈഫ് സയൻസസ് തുടക്കത്തിൽ അഫ്ഗാനിലേക്ക് മരുന്നുകൾ കയറ്റുമതി ചെയ്യും. പാകിസ്താനുമായുള്ള വ്യാപാരം അഫ്ഗാൻ അടുത്തിടെ നിരോധിച്ചിരുന്നു