ഇരിക്കൂറിൽ നടപ്പാത നിർമ്മിക്കാൻ നിവേദനം നൽകി.
ഇരിക്കൂർ ഗവ: ഹയർ സെക്കന്ററി സ്കൂളിൽ നിന്നും ടൗണിലേക്ക് വിദ്യാർത്ഥികൾക്കായ് നടപ്പാത നിർമ്മിക്കണമെന്ന് സ്കൂൾ അധികൃതർ ആവശ്യപ്പെട്ടു. ഇതു സംബന്ധിച്ച നിവേദനം പി ടി എ പ്രസിഡണ്ട് കെ.കെ അബ്ദുള്ള ഹാജി പൊതുമരാമത്ത് വകുപ്പ് അധികൃതർക്ക് കൈമാറി. പ്രിൻസിപ്പാൾ സി. റീന, ഹെഡ്മിസ്ട്രസ് വി.സി ശൈലജ, സ്റ്റാഫ് സെക്രട്ടറി ഇ പി ജയപ്രകാശ്, കെ.പി സുനിൽകുമാർ .ഏ.സി റുബീന, ടി.സുനിൽകുമാർ . എന്നിവർ പങ്കെടുത്തു. നിരവധി ചെങ്കൽ ലോറികളും ടോറസുകളും കടന്നുപോകുന്ന പ്രസ്തുത റോഡിൽ കുട്ടികൾക്ക് കാൽനടയാത്രക്ക് സൗകര്യങ്ങൾ പരിമിതമാണ്. നിരവധി വളവുകൾ ഉള്ളതും അപകട സാധ്യത വർധിപ്പിക്കുന്നു. രണ്ട് പ്രമുഖ ടാറിങ് മിക്സിങ്ങ് യൂണിറ്റുകളും ഈ മേഖലയിൽ പ്രവർത്തിക്കുന്നതിനാൽ കൂറ്റൻ ടോറസുകളും കോൺക്രീററ് മിക്സിങ്ങ് വാഹനങ്ങളും കടന്നുപോകുന്നു. സ്കൂൾ ആരംഭിക്കുന്ന സമയത്തും സ്കൂൾ വിടുന്ന സമയങ്ങളിലും വലിയ വാഹനങ്ങളുടെ ഗതാഗതം നിയന്ത്രിക്കണമെന്നും പി.ടി.എ അധികൃതരോട് ആവശ്യപ്പെട്ടു.
No comments