കാഷ്മീരില് ഏറ്റുമുട്ടല്; അഞ്ച് സൈനികര്ക്ക് വീരമൃത്യു
11/10/2021
ജമ്മു: ജമ്മു കാഷ്മീരിലെ പൂഞ്ച് ജില്ലയില് സുരക്ഷാസേനയും ഭീകരരും തമ്മിലുണ്ടായ ഏറ്റുമുട്ടലില് ജൂണിയര് കമ്മീഷന് ഓഫീസര് ഉള്പ്പെടെ അഞ്ച് സൈനികര്ക്ക് വീരമൃത്യു. ഭീകരര് ഒളിച്ചിരിക്കുന്നതായുള്ള രഹസ്യ വിവരത്തെ തുടര്ന്ന് സുരക്ഷാസേന ദേര കി ഗാലിക്കടുത്തുള്ള ഗ്രാമത്തില് തെരച്ചില് നടത്തവെയാണ് വെടിവയ്പുണ്ടായത്.
മേഖലയില് ഭീകരരുമായി ഏറ്റുമുട്ടല് തുടരുകയാണെന്ന് പ്രതിരോധ വക്താവ് അറിയിച്ചു. ഏതാനും ദിവസം മുമ്ബ് ചമ്രര് വനമേഖലയില് പാക്കിസ്ഥാനില്നിന്ന് നിയന്ത്രണരേഖ മറികടന്ന് അഞ്ചിലധികം ഭീകരര് എത്തിയതായി റിപ്പോര്ട്ടുകളുണ്ടായിരുന്നു. ഇവരാണ് സുരക്ഷാസേനയ്ക്ക് നേരെ വെടിവച്ചതെന്നാണ് കരസേന വൃത്തങ്ങള് നല്കുന്ന സൂചന
No comments